ELVITO CASTRO ALVES
 | |
| Eiks Senadu Geral IPB 2018 |
Elvito Castro Alves Moris iha loron 09 Fulan Outobru Tinan 1995 husi Aldeia Ergoa, Suku Leorema, Postu Administrativu Bazartete, Munisipiu Likisa. Oan dahuluk iha Familia ho Alin nain 7 Feto 3 no Mane 4 husi Pai Bento Alves no Main Agustinha Castro de Aroujo.
Elvito Castro Alves hahu nia estudu Primaria iha 2004 husi Eskola Primaria Nu 6 Mau-Meta Munisipiu Likisa no Termina Nia Estudu iha Tinan 2009. No kontinua Kedas nia Estudu Pre Sekundaria iha Eskola Katolita Santu Joao de Brito Likisa no akaba iha tinan 2012, hafoin de akaba tia nia estudu iha eskola pre sekundaria kontinua kedas ba eskola Sekundaria iha 2013 to akaba iha 2015 iha eskola Sekundaria Katolita Santu Joao de Brito Likisa.
Tamba situasaun Ekonomia Familia nian nune'e iha tinan 2016 Elvito Castro Alves la konsege kontinua nia Estudu iha Universidade no Involve an de'it iha Organizasaun sira hodi kapasita nia an.
Iha Tinan 2017 maka Castro kontinua hikas nia estudu iha Instituto Politecni de Betano no agora seidauk remata nia estudu.
Castro Nia Involvimentu iha Organizasaun
Iha Tinan 2014 Castro hahu Voluntariu iha Cruz Vermelha de Timor Leste Filial Likisa no 2015 asumi pozisaun hanesan prezidenti Joventude CVTL Filial Likisa hodi halibur voluntariu sira halao atividade CVTL nian no mos fo Formasaun. No mos iha Fulan Junu 2015 Castro Hetan oportunidade husi CVTL Nasional hodi asumi pozisaun hanesan Vise Prezidenti CVTL Nasional hodi hare atividade tomak ne'ebe mak Joventude CVTL Filial sira hala'o no Vizita CVTL filial sira husi Munisipiu sira hotu hodi observa no rona Preokupasaun Joventude sira nian hodi bele aprova orsamentu iha Nasional.
Iha Fulan agostu 2015, Castro hetan oportunidade hodi partisipa iha Asembleia Internasional ho naran MIGA ( Model IFRC General Assebley ) iha Korrea do Sul durante Semana 3 hanesan Delegadu husi Nasaun Uganda hodi diskuti konaba Redus Risku Desastre ba Foinsa'e sira iha Mundu.
Iha Fulan Maiu 2015 Castro mos sai hanesan Fundador ba Organizasaun CS ( Community Service ) hodi prepara Joven sira ba tuir Trenamentu RYPEN Camp iha Urmera, Munisipiu Likisa.
Durante Castro hala'o nia estudu iha IPB, Castro mos sei iha hanoin hanusa mak nia bele mos fahe Nia Matenek ba Joven sira seluk ne'ebe mak presija ho nune'e ikus mai Nia Organiza nia Kolega maluk sira Hodi hari Organizasaun iha ho Naran CFFH-TL ( Centro Formasaun Foinsa'e Humanitarian Timor Leste ) iha Suku Betano, Postu Administrativu Same, Munisipiu Manufahi.
Di'ak Liu Hau Mate
duke
hau Moris Mais la iha Obra ba Moris
Elvito Castro Alves
0 comments:
Post a Comment