PERSONALIDADE

PERSONALIDADE

Fontes : Google

Personalidade mak difinisaun total husi maneira ema ida nia reasaun no interasaun ho ema seluk. Ka jeramente Personalidade defini hanesan husar talin ida ne'ebe klean tebes no modelu hanoin ne'ebe sempre hanesan, sentimentu no mos hahalok ne'ebe hanesan. Lolos nian bainhira koalia konaba Personalidade, jeralmente indika ba buat hotu hotu ne'ebe uniku iha ema nia karakteristiku, karakteristiku refere mak hanesan ema ida hamrik iha ema barak nia klaran ( Ema ida nia karaktetistiku sempre la hanesan ho ema lubuk ida ).

Personalidade mak difinisaun total husi kostume ka lisan psikolojika ema ida nian, karakteristiku, motivu,, abitu, atitude, Fiar no mos espetasaun ka vizaun sira.

Fatór Determinante Ba Personalidade Nian:

Ereditaridade: Ereditaridade (jerasaun) refere ba fatór sira ne’ebé determina ona iha konseitu nian laran. Estruturafíziku, oin ne’ebé atrativu, jéneru, temperamentu (hahalok ka lala’ok orijinál), kompozisaun múskulu (isin-lolon) no refleksu sira, ritmu biolójika sira mak hanesan karakterístika ne’ebé sempre konsidera hanesan karakterístika ne’ebé hadaet hanesan loloos (kompletu) ka hadaet balun deit husi inan-aman ho ita-an rasik, buat hirak-ne’e hadaet husi forma biolójika nomós psikolójika nian.

Ambiente: Fatór sira husi ambiente ne’ebé maka uza presaun iha ita-nia formasaun personalidade mak kultura ne’ebé ita haburas daudaun ona, ita-nia kondisaun uluk nian, norma sira iha ita-nia uma-kain ka família, belun no grupu komunidade sira, nomós influénsia sira seluk ne’ebé ita sempre hasoru. Ambiente mak fatin nakloke ne’ebé ita hodi hala’o knaar ka servisu atu forma ita-nia personalidade.

Situasaun: Fatór datoluk mak situasaun, ne’ebé fó influensia ba impaktu ereditaridade (jerasaun / hussar-talin) no personalidade iha ambiente nia laran. Personalidade ema ida nian maske la-nakdoko ka estavel no konsistente maibé bele troka ka muda iha situasaun oioin. Ho pedidu oioin iha situasaun ne’ebé la-hanesan bele hamosu aspeitu diferente ba ema ida nia personalidade. Tanba ne’e, ita labele haree deit ba modelu personalidade ema ida nian maibé tenki haree mos ema seluk nia personalidade sira.

Konsiénsia Ba An-Rasik

Konsiénsia ba an-rasik signifika hatene ita-nia motivasaun, preferensia (hakarak), personalidade no kompriende kona-bá oinsá fatór hirak ne’e bele influensia ba ita-nia ajustamentu, desizaun no interasaun ho ema seluk. Liuhusi konsiénsia ba an-rasik “bele dezenvolve ita-nia abilidade hodi hatene ita sente oinsá no tansá, no impaktu husi ita-nia sentimentu mai husi ita-nia hahalok rasik. Maibé ida-ne’e involve mos kapasidade hodi monitoriza no kontrola deskonfiansa ne’ebé forte ka la-duun forte ne’ebé ita iha nomós haliis hodi foti ita-nia desizaun rasik”. Hanoin no sentimentu internál, interese, kbiit no limitasaun, valór, abilidade, objetivu, kapasidade, orientasaun lideransa nomós modelu komunikasaun mak hanesan elementu balun ne’ebé maka inklui iha konsiénsia ba an-rasik. 

Benefísiu:

Konsiénsia ba an-rasik ka hatene-an-rasik hanesan pontu dahuluk ba efikásia iha fatin serbisu. Machiavelli,  autór matenek-na’in no deklarante hakerek katak “atu lidera ka koko atu lidera bainhira laiha koñesimentu ka esperiénsia dahuluk signifika hanesan ema bulak no sempre lori ita ba dezastru nomós iha derota ka fallansu nia laran”. Konsiénsia ba an-rasik bali benefísiu barak mak hanesan tuir mai:

·         Kompriende ita-nia-an rasik (hatene-an-rasik) bainhira kria relasaun ho ema seluk

·         Dezenvolve no implementa programa haburas kapasidade rasik

·         Estabelese moris ho apropriadu no objetivu husi kareira rasik

·         Dezenvolve relasaun ho ema seluk

·         Kompriende ka hatene valór husi diversidade

·         Jere ema seluk ho efikásia

·         Haburas produtividade

·         Haburas ita-nia abilidade hodi kontribui ba organizasaun, ita-nia komunidade nomós família rasik

Ho liafuan seluk, ida-ne’e ajuda ema atu hatene ema diak iha parte saída no hili kareira tuir sira-nia hakarak. Maibé depende mos ba ema seluk nia hanoin ka fiar kona-bá saída mak diak ba ita atu lidera hasoru pesoál nomós dezintendimentu husi ema profesionál nian. Liuhusi hatene ita-nia kbiit, frakeza, hakarak no lakohi husi ita-an-rasik, nune’e sei ajuda ita hodi hatene katak ita hamrik iha ne’ebé? (ita-nia pozisaun iha ne’ebé?)

Konsiénsia ba an-rasik mos importante ba jerente no organizasaun sira hanesan ema ne’ebé atinji no hakle’an ona liafuan konsiénsia ba an-rasik hakarak tebes atu sai dezenpeñadór superiór nian. Tanba sira bele kria relasaun no kompriende ema seluk ho diak nomós bele hamenus konflitu ne’ebé bele mosu ho apropriadu. Jeralmente, ema ho tipu refere sei nakloke hodi hato’o opiniaun no halo mudansa pozitivu ba hahalok pesoál atu kria konfiansa nomós kria ambiente serbisu ne’ebé produtivu. Hala’o serbisu ho efikásia hamutuk ho ema seluk sei haburas efikásia nomós jestaun organizasaun nian.

Konsiénsia ba an-rasik mos hanesan komponente  importante ida atu kompriende organizasaun ida ne’ebe mak hala’o hela servisu, tamba ita ida-idak bele hanoin hanesan instrumentu ida hodi halo avaliasaun no mudansa. Liu husi husu pergunta barak ita bele halo diagnosa ba ita-nia situasaun no dezenvolve solusaun ba problema balun ne’ebé ita-nia oraganizasaun rasik enfrenta daudauk. Atu estabelese pergunta hirak-ne’e presiza ita-nia konsiénsia ba an-rasik ne’ebé forte hasoru ita-nia reasaun emosionál, persepsaun báziku, deskonfiansa nomós ajustamentu.

Falta konsiénsia ba an-rasik bele hamosu desizaun ne’ebé ladiak ba predisaun ka imajinasaun ne’ebe laiha realidade hasoru ema balun nia abilidade nomós hala’o kareira la-tuir dalan estrutura nian.

Oinsá Atu Atinji Ho Diak?

Faze dahuluk atu konsidera ita-an-rasik mak rekoñese ita-nia frakeza, kbiit, deskonfiansa, atitude, valór nomós persepsaun sira. Iha maneira barak hodi hakle’an ita-nia konsensia ba an-rasik. Buat hirak-ne’e inklui análiza ita-nia esperiénsia rasik, revee ita-an-rasik liuhusi ema seluk nia matan, hatudu-an, atinji esperiénsia oioin no haburas ita-nia intelejénsia emasionál rasik.

·         Análiza ba an-rasik, presiza ema hodi avalia sira-nia-an-rasik hanesan objetu ida husi esperiénsia ou eventu ruma. Presiza ema ida hodi hanoin ba pasadu no orbzerva fali impaktu positivu nomós negativu ne’ebe bele fó influensia ba hahalok, atetude, hanoin ka interasaun. Análiza ba an-rasik la’ós prosesu ida ne’ebé sempre fasíl, maibé presiza tebes abilidade hodi análiza informasaun relevante hotu-hotu sai pesoál ne’ebé efikásia nomós profesionál.

Prosesu análiza ba an-rasik sempre hahú ho reflesaun no esplorasaun hasoru hanoin ka ideia nomós sentimentu ne’ebé iha relasaun ho eventu ne’ebé efikásia. Liuhusi refleta sentimentu no ideia, individual sira bele atinji aspirasaun foun ne’ebé relevante ba sira-nia bazeia ba prosesu aprendizajen esperiénsia hirak-ne’e. Bainhira hetan ona koñesimentu foun no perspetiva sira, individual sira sei sai efikásia liu tan liuhusi implementasaun ba hahalok foun nomós bele muda jerasaun orijinál ba situsaun futuru nian.

Maneira balun hodi atinji persepsaun kona-bá ita-nia-an-rasik mak liuhusi refleta, avalia no análiza ita-nia hahalok, personalidade, atitude nomós persepsaun sira

.

·         Hahalok: Maneira ida mak ita halo rasik hanesan dalan ida ne’ebé ita atu halo asaun. Ita-nia hahalok mos influensia husi ita-nia sentimentu, ajustamentu, fiar, motivasaun, nesesidade, esperiénsia no ema seluk nia opiniaun. Modelu hahalok dezenvolve tuir ita-nia reasaun hasoru eventu sira nomós asaun sira hasoru tempu. Hahalok kompostu husi komponente haat:

-  Motivasaun: Atu lori ita hodi duni ema ida nia asaun hasoru ema seluk. Konsidera hanesan kondutór importante ida hodi hasoru buat hirak ne’ebé motiva ita ba dalan positivu ka negative nian - bele ajuda ita kompriende abut sira husi ita-nia hahalok no halo ajustamentu karik presiza hodi modifika ita-nia hahalok.

-  Modelu hanoin: Dalan ida ne’ebé ita prosesa daudauk iha ideia oioin husi ita-nia hanoin ka kakutak. Sei konsidera atu oinsa it abele responsabiliza no atinji informasaun ne’ebé bele ajuda ita hodi kompriende oinsa ita halo ajustamentu ou desizaun ne’ebé lori ita atu hili hahalok ruma ka asaun prátika hasoru ema seluk.

-  Modelu Asaun: Prátika asaun ne’ebé ita aplika daudauk iha situasaun espesífiku nia laran. Sei konsidera oinsá ita atu espresa ita-nia reasaun hasoru buat hirak ne’ebé maka akontese daudauk no ita bele ajuda hodi hatene alkansa dalan alternativu balun bainhira hamosu eventu ruma.

-  Modelu Interasaun: Maneira ida ne’ebé ita uza hodi halo komunikasaun no hafahen idea, opiniaun nomós sentementu hamutuk ho ema seluk. Sei konsidera oinsá ita ko’alia no serbisu ho ema seluk hodi bele ajuda ita kompriende liu tan oinsá ita-nia modelu moris ne’ebé ita aplika bele hakahur ho ema seluk iha ita-nia fatin serbisu nomós ambiente moris nian.

·         Personalidade: Relativamente esplika kona-bá estabelesimentu karaterístika ne’ebé stavel, tendensia nomós temperamentu (hahalok ka lala’ok orijinál) sira ne’ebé forma ona husi ereditaridade (jerasaun / hussar-talin) no fatór sira husi komunidade, kultura nomós ambiente nian. Hahalok hirak-ne’e maka determina oinsá ita halo interasaun no reasaun hasoru situasaun nomós komunidade oioin. Iha aspeitu balun husi personalidade espera katak sei hamosu rezultadu husi karakterístika orijinál nian - ida-ne’e signifika katak karakterístika hirak-ne’e iha ona bainhira ita moris mai iha mundu nomós ita bali ona liuhusi ereditaridade (jerasaun / hussar-talin) rasik. Karakterístika seluk mak hanoin atu atinji rezultadu husi ita-nia ambiente - ida-ne’e signifika katak fatór hirak ne’ebé ita alkansa daudauk liuhusi hatudu iha fatin nakloke ba ema seluk nomós eventu sira iha ita-nia moris loro-loron nian.

Karakterístika personalidade sira sei buras nafatin hanesan karakterístika sira ne’ebé esplika deskreve kona-bá atetude nomós hahalok ema ida nian. Ezemplu hanesan karakterístika agradável ka konkordansia, agresaun, dominasaun nomós moe. Barak-liu husi karakterístika hirak-ne’e indika on aba ema sira ne’ebé ho tipu sempre nonok iha tempu naruk nia laran. Ida-ne’e signifika katak ema ida ne’ebé sempre kalma no la iha atensaun hasoru ema seluk iha situasaun saída deit mak ema ne’ebé sempre hatudu hahalok ne’ebé hanesan hasoru situasaun sira seluk. Modelu ‘’The Big Five’’ hanesan instrumentu kle’an ida tanba modelu refere organiza ona ho konseitu oioin maibé bele hamosu fali ‘’lista badak ida’’ husi fatór lima ne’ebé reprezenta karakterístika hirak ne’ebé bele liga fali ho satisfasaun nomós susesu husi modelu refere. The Big Five bali komponente prinsipál lima mak hanesan estroversaun (indika liu ba vida moris nian), konkordansia, estabelesimentu emosionál, konsiénsia nomós nakloke hasoru esperiénsia refere. 

·         Estroversaun (fó importánsia liu ba vida moris sosiál nian): reprezenta nível individuál ne’ebé moris hamutuk ka sosiál ka lamoris hamutuk (anti-sosiál) iha komunidade nia laran, ospitalidade (respeitozu) ka moe, asertivu ka pasivu, ativu ka la-ativu nomós ko’alia barak ka nonok hela deit. Ema ne’ebé maka fó valór kle’an liu ba karaterístika sira iha parte ida ne’e make ma ne’ebé fó importánsia nomós hanoin liu ba ninia-an-rasik (introvertidu). Parte estroversaun (vida moris ba sosiál nian) ka introversaun (vida moris ba an-rasik) nia laran laduun aat liu maibé ikusmai parte rua ne’e bele lafunsiona ho diak. Ema ne’ebé respeitozu liu sente hanesan ema ne’ebé gosta iha poder liu maibé ema sira ne’ebé laiha respeitu ba malu sempre laiha mos abilidade bainhira kompara ho ema ne’ebé hatudu respeitu ba malu.

·         Konkordansia: hodi sukat nível ba ema ne’ebé hatudu oin-midar (laran-diak) ka larespeitu, koperativu ka fó atensaun (kuidadu), fleksibel ka la-fleksibel, fó-fiar ka kuidadu, hahalok diak ka gosta nonok, laran-diak ka laran-aat nomós iha toleransia ka ajustamentu. Valor hirak ne’ebé maka aas iha elementu dahuluk husi parte karateríska mak haree hanesan la-konkorda liu nomós susar atu serbisu hamutuk. Ba parte ida ne’ebé maka konkorda liu bele mos halo ema refere sadere fali ba ema seluk, maibé ema seluk bele mos nota frakeiza ida ne’e.

·         Estabelesimentu Emosionál: karateriza nível ba ema ne’ebe maka konsistente ka la-konsistente signifika oinsá sira hatudu reasaun ba eventu espesífiku ruma, hatudu reasaun husi ninia fuan-laran ka sukat opsaun ruma molok halo asaun no foti rasik asaun sira ka haree mos ba situasaun mosu daudauk. Ba sira ne’ebe fó valór aas iha parte estabelesimentu emosionál mak ema ne’ebé jeralmente sempre kalma, sempre estabelese atitude ne’ebé pozitivu, bele jere sira-nia nervozu, asegura, kontente ho objetivu. Ba sira ne’ebé fó valór menus mak hanesan ansiouza, depresa (triste ka tauk), hirus, la-asegura, preokupa nomós emosionál.

·         Konsiénsiozamente: reprezenta nível ba individuál ida ne’ebé maka depende hela deit ba ema seluk ka inkonsistente, signifika bele bele hamosu espetasaun ka la-fó konfiansa liuhusi komitmentu sira ka jeralemente sempre iha sentiment kuidadu, akuradu, organizadu, hametin nafatin, iha prestasaun liuhusi orientasaun, serbisu makas no haburas nafatin. Ba sira ne’ebe maka hetan valór menus iha sasukat ida ne’e mak dala ruma avalia hanesan la-kuidadu ho serbisu refere, la-tau-matan, la-respeitu, la-interese ka laiha motivasaun hodi organiza, fasil atu hapara nomós baruk atu serbisu.

·         Nakloke ba Esperiénsia: karakteriza nível ba ema sira ne’ebe iha interese atu haluan ka limita sira-nia futuru, aprende buat foun ka la’o tuir nafatin saída maka sira hatene ona, hasoru malu ho ema oin foun ka servisu hamutuk nafatin ho belun sira daudauk ne’e ho kolega servisu sira, buka fatin-servisu foun ka hela nafatin iha fatin-servisu ne’ebé sira hatene ona. Ema ne’ebé maka hetan valór aas iha fator ida-ne’e make ma ne’ebé hakarak sai matenek loos no iha hanoin luan. Hakarak hatene buat hotu, iha  imajinasaun ne’ebé kle’an no respeitozu. Ba ema sira ne’ebé hetan valór kiik signifika iha hanoin ne’ebé kloot, laiha interese ne’ebé boot hodi buka hatene buat hotu-hotu kona-bá mundu nian no lakontente ho ema foun sira iha ninia sorin nomós lakontente ho situasaun balun. Ema ne’ebé profesionál mak ema ne’ebé nakloke ho esperiénsia signifika hakarak refleta ninia feedback (ideias, sujestaun, krítika nst.) ba dezenvolvimentu pesoál nian.

·         Monitoriza ba An-rasik: mak tendensia ida ne’ebé uza hodi ajusta ita-nia hahalok ne’ebé presiza iha mudansa husi situasaun komunidade nian. Konseitu atu monitoriza ita-nia personalidade rasik bele ajuda ita hodi fó atensaun hasoru kualidade rua mensionadu ne’ebé ita revee hanesan kualidade ne’ebé pozitivu nomós kualidade ne’ebé presiza iha mudansa. Bainhira ita kompriende ona regra husi monitoriza ba an-rasik, ita bele asesu ona ita-nia atetude no hahalok rasik; diagnosa hanesan elementu ida ne’ebe mak ita hakarak halo, identifika no dezenvolve planu sira hodi hasoru aspeitu hirak ne’ebé ita hakarak halo mudansa. Bainhira hakarak estabelese monitorizasaun ba an-rasik, presiza tebes kria padraun pesoál (personal standards) bazeia ba norma sira. Monitoriza ba an-rasik ho kle’an katak sensitive tebes ho prosedimentu esternál nian hakarak tebes atu adapta sira-nia an-rasik ho loloos hodi konfirma situasaun ka hamosu espetasaun sira. Monitoriza ba an-rasik ne’ebé menus liu katak konsistente liu, hatudu sira-nia sentiment, atetude no hahalok iha situasaun oioin.

·         Atetude: mak deklarasaun avaliativu sira ka aprendizajen dahulu atu hafahen serbisu hodi responde ba objetu ruma, ema ka idea ne’ebé favorabel ka la-favorabel. Atitude hanesan dalan kloot ida hodi atinji objetivu balun. Atetude sir abele iha tipu oioin husi situasaun ba situasaun. Atetude ne’ebé forte bele fó impaktu ba profesionál nomós relasaun pesoál nian. Ita-nia atetude hanesan komponente importante ida husi ita-nia abilidade atu servisu ho produtivu liu iha ita-nia fatin servisu. Ita-nia atetude sira beleé fó influensia ba ema sira ne’ebé hela iha ita-nia leet. Bainhira koñese ona ita-nia atetude no deside katak atetude ida ne’ebé maka bele hatudu ba ema seluk hanesan buat importante ida ba ita nuudar individuál ka nuudar jerente sira. Ita-nia atetude bele fó impaktu ba ita-nia hahalok nomós interasaun ho ema seluk. Ita-nia belun sira, belun importante sira seluk, membru uma-kain (família) sira, kolega-servisu no ema seluk klaru katak bele fó influensia mos ba ita-nia hanoin (ideia) no sentiment hasoru situasaun ruma. Nuudar jerente, importante tebes atu rekoñese katak ita-nia funsionáriu sir abele afeta mos husi atetude hirak ne’ebé mak ita hatudu hasoru ema seluk no hasoru iha fatin-servisu nomós presiza tebes atu halo remata. Karik iha jerente ruma sempre hakilar hela deit husi tempu ba tempu no fó apoiu nafatin ba ninia kolega sira, funsionáriu sira sempre iha rezultadu ne’ebé furak no serbisu makaas hodi hetan rezultadu ne’ebé nia hakarak. Husi parte seluk, karik jerente refere pesimiste tebes no la-iha atensaun no ko’alia hatuun hasoru ninia funsionáriu sira, funsionáriu sira-nia moralidade sei sofre ka menus no ikusliu sei la-hamosu rezultadu ne’ebé diak.

·         Persepsaun: Persepsaun esplika kona-bá prosesu liuhusi individuál ne’ebé foti dadus hamutuk ho apropriadu no akuradu nomós iha sentidu ba persepsaun refere. Bainhira ita hasoru ema ruma ka situasaun ruma, ita sempre uza ita-nia sentidu hodi tau-hamutuk ideia oioin. Tuir-mai, ita-nia kakutak mak sei hili aspeitu sira husi informasaun ne’ebé ita rai-hamutuk hodi prosesa no organiza ideia hirak-ne’e ho apropriadu. Ikusliu, ita-nia kakutak sei intépreta no avalia ema ka situasaun refere ho didiak. Persepsaun individuál sempre la-konsistente ho buat ne’ebé realidade; ida-ne’e hanesan intépretasaun deit husi ita-nia sentimentu hasoru buat ne’ebé mosu daudauk (realidade). Ita-nia persepsaun mos bele influensia husi fatór barak, mak hanesan kultura, ambiente, ereditaridade (jerasaun), média, belun sira, esperiénsia dahulukm intelijénsia, nesesidade, emosaun, atetude no valór. Persepsaun bele hamosu rezultadu sai kazu dúplika. Nuudar ema, ita sempre koko atu forma persepsaun bazeia ita-nia diskunfiansa. Karik ita la-konsidera ita-nia diskunfiansa hasoru buat ruma ka ema ruma no la-revee ka refleta fali ita-nia kompriensaun hasoru ema seluk, ita mos bele lakon informasaun husi situasaun ne’e nia laran liuhusi ita-nia persepsaun rasik (signifika ita mos bele kolleta informasaun ne’ebé la-akuradu). Instrumentu balun ne’ebé uza hodi taes didiak mak steriotipu (letratu), hili persepsaun, leno ita-nia interese nomós espetasaun hasoru situasaun refere. 

Ema seluk nia persepsaun ba ita mos impotante tebes no ita bele konsidera katak ita-nia-an-rasik mos forma liuhusi ema seluk nia hanoin. Konsetu ida-ne’e mos bazeia ba lalenok husi komunidade sira. Bainhira revee ita-nia-an-rasik liuhusi ema seluk nia matan, ita mos bele avalia fali ita-nia kbiit tomak nomós refleta fali parte hirak ne’ebé maka ita presiza promove ka hadi’a fali. Avalia didiak fali kona-bá oinsá ema seluk revee ita liuhusi ita-nia “mapa rasik”, ita-nia imajen nomós ajustamentu ba ita-an-rasik.

·         Hatudu-an:  Signifikasaun seluk husi konsiénsia-ba-an.rasik mak liuhusi hatudu-an; ezemplu hanesan hafahen ita-nia hanoin, sentimentu no ideia balun hamutuk ho ema seluk karik laiha lia-bosok husi ita-an-rasik nomós lia-bobar ruma. Bainhira ita ko’alia ho ema ruma presiza tebes atu ita hafahen ita-nia sentiment nomós resposta balun. Hatudu-an hanesan xave fatór ida hodi promove ka hadi’a konsiénsia-ba-an-rasik; ita tenki fó-sai informasaun no halo interasaun hasoru ema seluk hodi klarifika ita-nia persepsaun sira.

·         Esperiénsia Oioin: maneira seluk hodi haburas ita-nia konsiénsia-ba-an-rasik mak liuhusi esperiénsia dobradu (multipel) iha situasaun oioin nomós husi ema ho rasa oioin. Bainhira ita hasoru situasaun foun ruma, ita uza ita-nia abilidade no presiza aumenta abilidade foun ruma, hasoru-malu ho ema ruma nomós dezenvolve amizade balun, haree fatin foun sira nomós aprende uluk buat foun ruma ne’ebé dalaruma ita hatene liuhusi lee livru deit. Nakloke mos ho esperiénsia ne’ebé luan ba ita-nia futuru. Ida-ne’e ajuda ita hodi revee ita-nia-an-rasik iha roman foun ruma bainhira fornese ona informasaun foun kona-bá ita-nia-an-rasik no ita-nia abilidade hodi halo interasaun hasoru mundu. Ida-ne’e mos haburas liutan ita-nia nível konfiansa nomós enkoraja ita hodi aumenta liu tan ita-nia esperiénsia balun.

LALA’OK HODI HABURAS PERSONALIDADE NE’EBÉ POZITIVU

1.      Simu Resposabilidade:

“The price of grateness is the resposibility” signifika “Valór husi satisfasaun mak responsabilidade” - Winston Churchill

“Responsability gravitates to the person who can shoulder them” signifika “Resposabilidade boot ba ema ida mak ema ne’ebé maka bele leba buat hotu-hotu” - Elbert Hubbard hateten “instituisaun ka komunidade sei la-halakon atividade ne’ebé la’o sabraut hela (atividade ne’ebé la-diak), maibé atividade refere liuhusi ema diak sira ka ema profesionál sira ne’ebé baruk-teen nomós la-ativu ho diak.

2.      Hatudu Konsiderasaun: Hatudu konsiderasaun, disiplina, respeitozu nomós kuidadu.

3.      Hanoin Atu Manan-Manan:

4.      Hili Ita-nia Liafuan Sira ho Kuidadu: Prinsipál liu mak diakliu ita ko’alia duke nonok hela deit. Ko’alia liafuan moruk ka aat bele hamosu buat ne’ebé la-bele hadi’a fila fali. Maneira inan-aman sira ko’alia ba oan sira ho ezemplu oioin hodi forma oan sira-nia destinu.

5.      Nunka Hato’o Liafuan Krítika, Keixa ka Reklama no Kondena:

6.      Hatudu Oin-midar ka Hamnasa no Laran-diak Nafatin: Oin-midar ka hamnasa nuudar dalan badak ida entre ema na’in rua.

7.      Halo Intepretasaun Hasoru Ema Seluk nia Hahalok ho Pozitivu Nafatin:  Ita haree mundu la’ós hanesan agora maibé hanesan ita agora. Tanba-ne’e, bainhira ita halo interpretasaun hasoru ema seluk nia hahalok ho negativu, ita mos presiza refleta fila fali ita-nia mentalidade hasoru situasaun agora. Tuir-mai, bainhira ita halo intepretasaun ba ema seluk ho pozitivu, iha oportunidade ida-ne’e, ema seluk mos bele rekoñese sira-nia parte negativu nomós bele muda ka halo mudansa hasoru parte negativu refere.

8.      Sai Hanesan Ema Ne’ebé Rona ho Diak: Komunikasaun ne’ebé efikásia mak 50% ba parte rona nian, 25% ba parte koalia nian, 15% ba parte lee nian, no 10% ba parte hakerek nian. Tanba ne’e, bainhira ita rona didiak signifika katak ita halo ona 50% husi komunikasaun ne’ebé efikásia nian.

9.      Sai Hanesan Ema Ne’ebé Entusiaztíku: Sei laíha buat diak ruma ne’ebé ita sempre atinji kuandu laíha entusiazmu - Ralph Waldo Emersion.

10.  Hatudu Onestidade no Fó Apresiasaun ho Laran-luak: Karik hakarak atu sente nuudar ema importante ida mak ita-nia espetasaun no aspirasaun ne’ebé klea’n tebes bele sai hanesan ema ne’ebé sempre iha motivasaun kle’an. Hatudu onestidade no apresiasaun ho laran-luak halo ema sente hanesan ema importante ida nomós promove duni kualidade hirak-ne’e ba ninia-an-rasik. Iha parte seluk, bainhira ita ko’alia lia-bosok no fó apresiasaun lahó laran signifika gava-bosok ka baibain ema hateten lisa-halus bele prejudika fali ema ne’ebé simu ita-nia onestidade mensionadu.

11.  Bainhira Ita Halo-sala Buat-ruma, Simu no Buka Didiak Dalan Hodi Halo Fali Mudansa Hasoru Sala Refere ho Apropriadu: Aprende husi buat ne’ebé la-loos. Nune’e ita tenki simu imediatamente sala refere tamba ne’e tenki simu no halo mudansa ho apropriadu.

12.  Halo Diskusaun Maibé Labele Haksesuk-malu: Haksesuk-malu hanesan baku-malu tanba lakon funu-laran. Maske ema ida maka sei manan hasoru argumentu refere, folin sei makaas liu-tan duke manan dignidade. Vitoria husi ignominiouza (ko’alia hatuun ema ruma ka halakon ema ruma) mak halakon ita-an-rasik.

13.  Labele Bobar-lia / Lori-lia: Bobar-lia / lori-lia bele hamosu bobar-liadór nomós defamasaun ba karateridade ema nian. Ba ema sira ne’ebé rona ba lia-bobar hirak-ne’e rekoñese sala hasoru ema ne’ebé bobar-liadór.

14.  Muda Ita-nia Promesa ba Komitmentu: Komitmentu bele hakle’an liutan ita-nia relasaun liuhusi hamahar nomós hamihis komitmentu refere. Buat hirak-ne’e hatudu momos ita ema nia personalidade no relasaun loro-loron.

15.  Bele Hato’o Obrigradu Maibé Labele Espera Obrigadu:

16.  Bele Fó-fiar no Hala’o ho Loyalidade:

Loyalidade lubun ida folin boot liu duke matenek-na’in ninia libra sira. Bainhira laiha iha abilidade maibé bainhira laiha abilidade maka buat hotu laiha folin.

17.  Prevene Rai-odiu ba Malu: Moris sempre kloot bainhira ita rai-odiu ba malu. John Kennedy tenik katak “Fó perdaun ba ema seluk maibé keta haluha sira-nia naran”. Signifika katak “Karik iha ema-ruma lohi hau dala ida-deit mos nia salas ona, maibé karik nia lohi hau ba dalaruna signifika ne’e hau-nia sala”. Labele lohi bebeik nomós fó perdaun ba sira..

18.  Hatudu Onestidade, Integridade no Laran-luak: Lia-bosok sempre la’o lalais, maibé lia-loos dura nafatin. Onestidade, integridade no laran-luak sempre iha ligasaun ba malu duke opozisaun.

19.  Hatudu Laran-nakraik (umilidade): Bainhira lafiar-an no laiha laran-nakraik signifika arogánsia. Umilidade no laran-nakraik hanesan parte fundamentál ida ba karateridade hotu-hotu.

20.  Tenki Kompriende no Kuidade: Dalan diakliu atu kompriende mak tenki iha kompriensaun. No komunikasaun real báziku liu mak inklui kompriensaun ba malu.

21.  Hatudu Disiplina Bainhira Hala’o Servisu Loro-loron nian:

22.  Hatudu Sentidu Kómiku: Bainhira ita ko’alia liafuan kómiku ita sei sente laran makili no hamanasa ba ita-an-rasik. Ko’alia liafuan kómiku halo ema gosta hela deit nomós sai atrativu hela deit ba ita. Iha ema balun ko’alia liafuan kómiku maibé estraga fali ema seluk nia sentiment.

23.  Labele Hatudu Hahalok Siak-teen (sarkástika) Hasoru Ema Seluk no Ko’alia Hatuun Ema Seluk:

24.  Halo Belun no Sai Nuudar Belun Diak:
Hatudu konfidensialidade no iha akordu hamutuk hanesan fundasaun kle’an ida ba dalan amizade hotu-hotu.

25.  Hatudu Empatia:  Empatia rasik hanesan karakterístika ida ne’ebé importante tebes ba personalidade ne’ebe pozitivu. Ema sira ne’ebé empatia ba sira-nia-an-rasik sei hamosu pergunta “hau sente oinsá karik iha ema ruma trata hau hanesan dalan refere?”

DEZENVOLVE PERSONALIDADE NE’BÉ POZITIVU

1.      Halo Programasaun ho Neon-ho-laran

Barakliu husi ita ema moris, dalaruma prepara tiha programa ho kondisaun balun liuhusi mensajen ne’ebé laloos katak “keta halo buat ne’e”, keta hatodan-an”, “ita labele halo buat ne’e” ita ladiak iha parte ……………. no seluk-seluk tan ……………………. Ita bele imajina impaktu negative ruma husi mensajen refere ne’ebé hamosu husi ema ruma.

Figura – Halo Programasaun ho Neon-no-laran

Ita-nia konsiénsia husi fuan-laran hanesan ema seguransa ida. No fuan-laran hanesan armajen ida hodi rai hamutuk informasaun kona-bá kondisaun ka programa sira / koñesimentu / fiar hotu-hotu. Tuir-mai, programasaun ba personalidade signifika rai hamutuk fiar pozitivu sira nomós informasaun ba kakutak laran no guarda refere labele iha koñesimentu hasoru informasaun mensionadu (konsiénsia husi fuan ho laran).

Imajina deit hanesan ita ko’alia ba ita-an-rasik katak “ita-nia komunikasaun menus liu”, “ita labele ko’alia ho diak iha públiku ka ema barak nia oin”, “ita lauza ita-nia jestu hodi ko’alia ho impresivu”, …………..

Guarda refere revee ita-nia fraze no halo komparasaun ho ninia koñesimentu ne’ebé ita rai hela iha kakutak laran nomós dehan “informasaun ida-ne’e laloos”. Guarda mensionadu soe dook tiha informasaun foun sira. Nia la-fó lisensa ba informasaun foun sira nomós atu rai iha kakutak laran. Ida-ne’e mak difikuldade fundamentál ida hodi halo mudansa hasoru ema ruma nia hahalok nomós personalidade nian.

Tuir-mai, pergunta mak oinsá no bainhira ita bele halo programa husi ita-nia fuan-laran sai karakterístika personalidade ne’ebé pozitivu karik guarda refere laiha hanoin ruma atu estraga fila fali………..

Ninia resposta mak ita bele kria programa husi ita-nia fuan-laran hodi atinji karaterístika personalidade ne’ebé pozitivu bainhira atu tama ba periódu tuan no molok ita atu toba ka molok ita atu hadeer. Ida-ne’e mak hanaran tempu, karik ita-nia konsiénsia husi fuan-laran ativu daudaun atu estabelese karaterístiku ne’ebé pozitivu hodi rai hamutuk iha armajen laran. Maibé ita-nia konsiénsia husi fuan-laran la-ativu hodi halo ajustamentu / komparasaun, ita espera katak sei la-hamosu impedimentu ba karaterístika ne’ebé pozitivu hodi alkansa no rai hamutuk konsiénsia husi fuan-laran ba armajen mensionadu.

2.      Hametin Programasaun / Programasaun ba Konsiénsia nian

Sujestaun-ba-an-rasik no Repetisaun ba karaterístika ne’ebé pozitivu maske iha resposta negativu husi komparasaun ba armajen refere maibé susesa nafatin iha programasaun ba karaterístika personalidade nian.

Sujestaun-ba-an-rasik rekoñese nuudar deklarasaun ne’ebé halo iha tempu agora, liuliu hakarak atu sai hanesan ema ne’ebé laran-diak. Sujestaun-ba-an-rasik haree hanesan negósiu ida hanesan liafuan hateten “Super You / Bravo (Ekselente)”, ka “Futuru Super You / Bravo Iha Future / (Ekselente Iha Futuru)” ba ita-nia-an-rasik kona-bá rezultadu saída mak ita hakarak atu hamosu ka atinji iha futuru. Buat hirak-ne’e fó influensia ba ita-nia konsiénsia no konsiénsia ho neon-laran iha tempu naruk nia laran sei haforma ita-nia personalidade nomós atetude ho apropriadu.

Fó sujestaun-ba-an-rasik mak maneira konsiénsia nomós neon-ho-laran husi karaterístika ne’ebé pozitivu. Ida-ne’e hanesan métodu efikásia ida husi dezenvolvimentu an-rasik hodi atinji atetude nomós karaterístiku ne’ebé pozitivu nian. Sujestaun-ba-an-rasik tenki hakahur ho ita-nia emosionál sira. Buat hirak-ne’e hotu atu hametin / halo programasaun husi neon-ho-laran ne’ebé bali ona sentimentu (hatudu sentimentu) no hakahur ho ita-nia fiar ne’ebé maka eziste hela; hahú direitamente hodi refleta sira-nia-an-rasik iha parte fíziku nian ka bazeia ba buat ne’ebé realidade.

Hanoin atu sujere-ba-an-rasik ne’ebé hakahur ona ho ita-nia sentimentu emosionál mak hanesan hakle’an ita-nia psiko-magnétiku ne’ebé bele atria ema-seluk atu halo tuir bazeia ba ita-nia sentiment.

Ita-nia neon ho laran haree hanesan jardín ka toos ida ne’ebé buras tebes, ne’ebé sei nakonu ho ai-hori ka duut-sira karik ita la-kuda fini ne’ebé diak iha jardín ka toos ne’e nia laran. Sujestaun-ba-an-rasik nuudade ajénsia ida atu kontrola ema ida-idak hodi haburas ninia hanoin husi neon-ho-laran hodi sai kreativu ka atinji karaterídade ne’ebé pozitivu. Karik la-halo tuir, sei estraga ita-nia karaterídade hanoin husi neon-ho-laran hodi atinji maneira balun hodi hariku ita-nia hanoin husi jardín ka toos refere. Tanba ne’e, ita tenki iha atensaun bainhira halo programasaun ba ita-nia-an-rasik hodi atinji karaterídade ne’ebé pozitivu.

3.      Haburas aproximasaun

Tipu ida husi aproximasaun mak halo protesta ka nega hasoru karaterístika ne’ebé ladiak ne’ebé husi inísiu ka parte dahuluk ita rai hela ona iha armazen fuan-laran nian. Parte daruak mak koko (sengaja) atu hadook-an husi tipu situasaun ka ambiente espesífiku ruma. Iha situasaun moris agora, realidade hatudu katak susar tebes atu evita tanba bele hamosu fali konfrontasaun nomós argumentu ka sei la-ativu ho diak.

Problema seluk husi parte ida-ne’e mak barakliu husi ita bali karaterístika negative ne’ebé uluk rai hela iha armajen laran bazeia ba ita-nia kondisaun nomós esperiénsia iha pasadu.

4.      Hakle’an Imajinasaun ka Harii Komisaun Konselleru Invizivel nian

Bainhira ita haree figura ruma signifika ita mos haburas ona ita-nia Eroi, tau ita-nia-an iha fatin eroi nian. Signifika ita bele haburas matenek-na’in hirak-ne’e liuhusi imajinasaun no husik sira forma ita-nia personalidade rasik. Parte seluk mak Komisaun Konselleru Invizivel nian ne’ebe kompostu husi ema ne’ebe bali personalidade forte liuhusi ita-nia opsaun rasik. Ita bele halo konsela hahú husi ita-nia matenek-na’in sira hasoru situasaun ka tempu espesífiku balun. Desizaun ka asaun saída maka nia bele foti ona husi hau-nia situasaun rasik.

Winston Churchill nuudar Primeiru Minístru Englatera iha tempu funu nia laran la’o tuir duni ninia prinsípiu sira. Nia mos estabese ona Komisaun Konselleru ba Imajinasaun nian husi ninia Kámara rasik. Iha desizaun barak ne’ebé nia foti liuhusi ninia prinsípiu hirak-ne’e.

Hau sempre reforma hau-nia karateridade liuhusi hakaaz-an hodi halo tuir ema balun nia personalidade ne’ebé lao ho diak loos ne’ebé maka moris no buka moris ka serbisu ho apropriadu ona. Buat hirak-ne’e impresivu tebes mai hau rasik. Personalidade hirak-ne’e husi Mahatma Ghandi, Madre Teresa, Abraham Lincoln, Napoleon Bonaparte, Albert Einstein, Shiva Khera, Napoleon Hills & Bill Gates. Hau hala’o ona sorumutu konselleru imajinasaun balun hamutuk ho hau-nia grupu ida ne’ebé hau hanaran “Konselleru Invizivel”. Iha sorumutu konselleru imajinasaun hirak-ne’e, hau halibur hotu hau-nia membru gabinete sira hanesan koñesimentu ba sira tanba hau hakarak sira ida-idak kontribui hodi ko’alia kona-bá hau-nia-an-rasik hasoru membru sira liuhusi ko’alia no bele rona liafuan hanesan tuir mai:

Mahatma Gandhi, hau hakarak hetan buat-ruma husi ita-boot kona-bá ita-nia idiolójia loloos nian no laiha violénsia nomós devosaun bainhira halo buat hirak-ne’e iha oras balun nia laran no husu ita-nia lideransa magnétiku hodi atrai ema miliaun resin hodi partisipa iha luta pasífika ba libertasaun ho umanidade nian.

Madre Teresa, hau hakarak hetan buat-ruma husi ita-boot kona-bá abilidade hodi responde hasoru ema ne’ebé laíha interese ba servisu umanidade nian liuliu ba sira ne’ebé laíha direitu espesiál ruma, moras-atan sira ne’ebé nakonu ho espiritu hodi serví reinu tomak maske hasoru obstakuluk oioin.

Abraham Lincoln, hau hakarak ita haburas hau-nia karateridade rasik kona-bá sentidu justisa nian, espíritu ne’ebé nunka kolen hodi pasiénsia, sentidu laran haksolok nafatin, ema-nia koñesimentu ho kompriensaun nomós toleránsia hasoru ema-nia karaterístika ne’ebé la-hanesan.

Napoleon Bonaparte, hau hakarak hetan buat-ruma husi ita kona-bá emulasaun ka kompetisaun, abilidade furak ruma ne’ebé ita iha hodi inspira ema no haboot sira-nia hanoin nomós iha espíritu badinas hodi foti asaun. No hodi hetan nafatin espíritu fiar nian ne’ebé ita bele uza hodi hakfila derota ba vitoria nomós hodi responde hasoru obstakulu ne’ebé mosu derepenti.

Albert Eistein, hau hakarak hetan buat-ruma husi ita kona-bá Sientífiku Talenta nian, esplora nafatin ema-nia ideia, espíritu hodi atinji ideia foun nomós hodi kontribui ba sosiedade ka komunidade sira.

Napoleon Hills, hau hakarak hetan buat-ruma husi ita kona-bá ita-nia abilidade atu jere rekursu umanu sira no fornese formulasaun furak ruma ba sosiedade sira hodi susesa hasoru rikusoin ka sorte ruma nomós tulun ema hodi realiza sira-nia potensialidade bazeia ba realidade ne’ebé iha.

Mr. Shiva Khera, hau hakarak hetan buat-ruma husi ita kona-bá ita-nia abilidade no koñesimentu atu motiva ema hodi atinji rezultadu ne’ebé diak no fornese planu ruma ba mundu hodi moris ho susesu nomós pizitivu.

Bill Gates, hau hakarak hetan buat-ruma husi ita kona-bá Intelijénsia Brillante (intelijénsia ne’ebé boot tebes), hafoun (inovasaun), hala’o ho kontenti hodi susesa, badinas (persisténsia), pesoál ne’ebé badinas nomós medida (dimensaun) husi konsiénsia hotu-hotu.

1.      Asaun Fíziku / Aproximasaun ho Jestu

Jeralmente, asaun fíziku ka aproximasaun ho jestu nuudar esperiénsia no prátika pozitivu balun ne’ebé uza hanesan karaterístika ka hahalok sira hodi hatene tuir katak asaun ne’ebé uza daudaun atinji ona rezultadu ne’ebé pozitivu ka lae.

Loloos nian, ita-nia karaterístika personalidade kontrola mos husi ita-nia aproximasaun ho jestu. Tuir-mai, realidade hatudu katak ida-ne’e hanesan mos asaun ne’ebé loos. No ida-ne’e signifika katak ita bele muda ita-nia karaterístika ka hahalok negative sira nakfila ba pozitivu liuhusi prátika ita-nia aproximasaun ho jestu ho konsiénsia hodi atinji karaterístika ka halalok pozitivu nian.

2.      Impaktu Husi Domino. Hatudu-an Direita Hodi Atinji Ambiente ka Personalidade Ne’ebé Apropriadu

Ambiente direita katak hakaz-an hodi forma personalidade sira. Bainhira ema ruma hala’o nafatin kontaktu direita ba malu ho personalidade ne’ebé apropriadu sei hariku ninia-an-rasik hodi sai famouza. Hanesan mos ho estrutura organizasaun no kultura nian, ida-ne’e signifika katak dalabarak fó influenza ka hadaet mos ema-nia personalidade. Dalaruma hanesan mos estatutu ka mata-dalan prinsipál ba rekrutamentu ka satisfasaun servisu nian. Ita mos tenki kuidadu bainhira halo programasaun ba ita-nia-an-rasik hodi atinji ita-nia karaterístika pozitivu nian. Tanba prosesu hirak-ne’e mos bele rezulta karaterístiku negative nian. Mahatma Gandhi ho Adolf Hitler, sira na’in-rua susesu tebes bainhira sira koko implementa prinsípiu hirak-ne’e, realidade hatudu katak sira atinji parte pozitivu ida deit no restu sai negativu hotu.

 

HAMOSU IDEIA NE’EBÉ DIAK

Ideia hanesan hanoin espesífiku ka konseitu ida ne’ebé maka hamosu husi ema ruma bazeia ba parte pensamentu nian. Ida-ne’e tuir Na’i Maromak Nia inspirasaun Rasik. Ideia hirak-ne’e hanesan bee-torneira no bee-matan husi rikusoin mundu nian ne’ebé boot tebes. Ideia hirak-ne’e hamosu husi ema sira ne’ebé moris uluk ita nomós hodi regula ita-nia moris ohin-loron. Ideia hirak-ne’e sempre importante tebes hodi hamosu opiniaun públiku no rezulta atu muda ita-nia hahalok sira - ezemplu husi opiniaun hirak-ne’e rezulta ita hakaaz-an atu moris ho livre ka hodi kombate hasoru ema-aat sira.

Bazeia ba siénsia místika nian (espíritu fiar nian) hatudu katak ita bele muda ema-nia karaterístika fuan-laran nian no iha kbiit hodi transforma ema-aat sira sai ema diak, transforma ema-aat sira sai fali Maromak atan ne’ebé diak.

Letra lima “IDEIA” bali potensialidade boot no IDEIA iha papél importante husi liafuan refere. Hanesan pensamentu ida liuhusi filtrazen lójika ne’ebé razoavel, IDEIA sei taes ho didiak no neneik-neneik sei realiza sai lalenok ka filme ida ne’ebé leno momós vizaun tomak no halo ema bele haree ba problema hotu-hotu nomós hodi julga problema sira ho apropriadu. Ida-ne’e hanesan kbiit tomak husi pensamentu ne’ebé halo ema sei hakfodak hasoru ideia hirak-ne’e hodi fasilita ita atu foti desizaun tomak. Ideia sira fornese ita-nia konfidensialidade hodi hasoru mundu kompetitivu ida-ne’e. Ideia refere hodi halo buat hotu ne’ebé diferente entre ema ne’ebé namlele iha bee-leten no ema ne’ebé mout iha bee-laran bazeia ba ema ida-idak nia sorte iha mundu kompetitivu ida-ne’e. Ida-ne’e mos hanesan ró-laan ida ne’ebé hatudu-dalan bar ó iha tasi-klaran ne’ebá, ideia fornese ita diresaun ka dalan atu la’o-ba-oin no atinji ita-nia objetivu sira. Ideia refere hanesan xave májiku ne’ebé uza hodi loke odmatan hirak ne’ebé sei taka hela, resolve ita-nia pergunta hotu-hotu nomós halo it abele atinji objetivu ne’ebé ita-hakarak. Lalika admira ho kbiit tomak husi ideia hirak-ne’e hodi forma mehi sira kona-bá moris nian no hanesan mata-dalan ba komunidade sira.

Ideia Sira Sei Regula Mundu no Pensamentu Sira Atu Regula Mos Ita-nia Moris. Saída deit mak ita hanoin kona-bá ita-nia vida atu sai saída; ita seidauk iha kbiit iha saída, karik ita sente ita-nia-an iha kbiit, ita iha kbiit partesaída. Aimoruk hodi kura ita-nia kbiit sira mak la’ós hanoin hela deit kona-bá frakeiza hirak-ne’e, maibé hanoin mak ita-nia kbiit sira. Ida-ne’e ita-nia ideia rasik hodi forma ita-nia destinu. Fó fiar tomak ba ideia sira hodi muda buat ruma no halakon ita-nia dúvida rasik, nervozu, sala ne’ebé kompleksu no sei atinji ita-nia kbiit sira, vitalidade (fízika moris-nian), hamosu kedan espíritu ho susesu nomós hamosu prestasaun boot ida por ida. Iha tempu badak-nia-laran ka tempu naruk-nia-laran, ema ne’ebé manan make ma ne’ebé iha hanoin barak no fiar katak nia bele halo buat hotu. “Great idea and conviction are the mother of great deeds” signifika katak “idea ne’ebé kapas no konviksaun (fiar-an) mak inan ba hahalok diak sira”.

Sesesu Hahú ho Idea Ruma: Bainhira ita habokur ita-nia esperansa no konfiansa no enkoraza ho ambisaun nomós aspirasaun signifika idea ida-ne’e sei forma hanesan mehi ida, vizaun no meta ba etapa sira. Ita tenki husik ita-nia ideia sira sai buras maske hanesan mehi deit ka laiha posibilidade no la-la’o tuir regra sosiedade ne’ebé hamosu kedan iha inísiu. Ita tenki tau liras ba ita-nia idea sira no husik sira semo aas. Ema boboot balun iha mundu ohin-loron gosta hamosu imajinasaun oioin, matenek ne’ebé superióridade ka ema ne’ebé halo milagre sai hanesan utópika (imajinasaun / mehi-deit) ka hanesan ema-nia mentalidade ne’ebé defunta (lakon / mate ona) husi ema sira ne’ebé moris iha períodu ohin-loron nian. Iha parte seluk, ema balun bele deskreve mos ita-nia ideia sira liuliu imajinasaun no vizaun, sira seluk sei fó atensaun hanesan mehi nomós fantázia deit.  Maibé hatudu katak ideia sira, maske la-hanesan, la-favorabel (tidak lazim) ka hanesan eredítiku (ema-aat) ne’ebé nota kedan husi inísiu, ikus-mai mosu dúvida ne’ebé boot tebes, hamosu revolusaun nomós haburas sivilizasaun. Maibe faktu fó hanoin idea sira, se deit mak sai strañu, heterodox ou herege, sira dala ruma bele sai premeiru, iha ikus sem milagre, lori revolusaun no konstrui sivilizasaun.

Idea Ida-idak Konsidera Folin-boot: Ideia barak-liu iha folin-boot ba asaun sira. Halakon trájika barak liu mak halakon ideia ruma. Hau husu ba ita katak “ita bali ideia furak ruma durante ita-nia moris ne’ebé ita seidauk atinji ho pozitivu?”

Tuir-mai, pergutan importante ida tan mak: Oinsá ita trata (implementa) ideia hirak-ne’e?

Trata idea hirak-ne’e hanesan bebe ne’ebe foin moris:

Trata sira ho apropriadu (implementa ho halus),

Selae sira bele matelalais.

Trata sira ho oin-midar,

Selae sira bele iha fitar husi inísiu.

Trata sira ho haraik-an,

Nune’e sira bele iha folin-boot ne’ebe nunka mosu iha ita-nia moris.

Trata sira ho seguru,

Labele husik sira ba dook (la’o ba fatin dook).

Trata sira ho ai-haan bokur,

Fó-haan sira no fó-haan sira ho didiak.

Trata sira ho vasinasaun,

Labele husik sira hetan infesaun husi baktéria aat sira.

Trata sira ho responsabilidade, Responde, Foti Asaun, Halo buat ruma ba sira.

Atu atinji rezultado idea ne’ebe maka brillante(furak tebtebes) tenke tradúzasaun sira ho responsabilidade liuhusi sistemátika, hakaaz-an no dedikanafatin.Bainhira ita la-esforsu ka hakaaz-an, ita-nia ideia sira sei sai rahun, sai fruzun no saoe ba foer-fatin. Istoria ne’ebé susesu ema matenek-na’in ilustra ka hatudu katak sira uza sira-nia intelejénsia no badinasne’ebé sukat  hanesan ona hodiatinji sira-nia ambisaun ba objetivu.

Ideia mak sei regula mundu no jeralmente ideia hirak-ne’e hamosu husi poeta (penyair) no filosófu sira (para ahli filsafat), husi místiku (para penganut ilmu kebatinan) no akultista sira (para ahli ilmu gaib). Ideia furak hirak-ne’e sai hanesan ideia fundamentál ne’ebé apropriadu tebes. Bainhira sira-nia efikásia la’o hanesan ho aplikasaun ema individuál ida, nia sei la’o nafatin iha kotuk ho konfuzaun no deskuti-malu nafatin no sei presiza hahú revee fali regra mundu nian, kompriensaun / koñesimentu no dame nian. Ideia no filosófia ne’ebé loos mak hanesan buat ida ne’ebé presiza tebes iha ita-nia períodu loron ohin.

Idea  ne’ebe fortenuudar rezultadu ida husi fiar ne’ebe forte iha ema-ida nia-an-rasikho espíritu ne’ebe forte. Iha períodu probasaun nia laran, bainhira mosu rai-nakunun no dezesperu (lakon espíritu ka putus-asa) hasoru ita, bainhira ita iha faillansu ruma, bainhira hasoru sentimentu triste ruma, bainhira vida laiha signifikante ruma, ida-ne’e indíka katak idea no konviksaun(pendirian / keyakinan)ne’ebé fortesei fó naroman ba ita-nia morisho naroman speransa nian. Ida-ne’e mak idea forte ne’ebé kudahela ho urjentehodi haburas moris ho formatu ne’ebe nakonu tebes no la’ós hodi salva deit vida nian. Idea refere ajuda ita hodi atinji liafuan kontente no satisfasaun. Idea sira lori naroman no haroman signifika ajuda hodi halakon nakukun, haromanprejuízu sira (prasangka) no halakon rede-barrata sira hasoru superstisaun (ketakhyulan). Sira mos lori lalais ita ka kleur ba fiar emerjensia nian. Loloos nian, idea forte-liu duke soldadu sira,tanba-ne’e, ideolójia no konviksaun(pendirian / keyakinan) sira sempre atinji vitoria barak duke soldadu hokuda ou kareta funu nian sira.Liu-husi fornese inspirasaun sira, idea sira kona-bá serbisu nian liu-husi forsa armada no mane barani sira ne’ebé mak forte tebes. Ema ne’ebébali  idea ne’ebé forte tebtebes mak mestre ba buat hotu-hotu, ema ne’ebé inserta (kebimbangan) nomós konfuzaun makaas. Hamoos konviksaun(pendirian / keyakinan) moris ne’ebé kle’an hodi regula mundu.

Ohin-loron, ema ne’ebé alkansa zénite(puncak) laíha eksesaun (tanpa pengecualian)ba ema hotu-hotu. Alkansa zénite sei hamosu liu deit husi sira-nia idea moris loron ba loron ne’ebé hetan husi husi koñesimentu no prezervasaun (pembaharuan) ne’ebé  halo sira sai eksepsinál (luar-biasa)no eksesaun hirak-ne’e presiza respeitu malu nomósestatutu iha sosiedade ne’ebe mak la-vale maibéiha “kbiit (poder)”.

Kbiit hahú iha ona husi períodu uluk nian katak ema ne’ebé iha koñesimentu luan sempre fó komandu ba ema seluk ho respeitu. Bazeia ba Tribunál Akbar nian, Birbal tuur iha pozisaun supreme tanba nia ema ne’ebé nakonu ho ideia nomós intelijénsia tebes. Iha momentu ne’ebá, hanesan mos Chanakya nuudar Administradór ekselente ida no ho ninia idea aministrativu sai hanesan polítiku intelijénsia ida. Nia nuudar instrumentu ida hodi hodi lulun sai tiha regra Nanda Dinasty nian no implementa fali Chandragupta Maurya ninia regra sira hanesan ema ne’ebémak regula  nasaun refere. Klaru katak, ideia maka komanda kbiit, pozisaun nomós prestije sira. Dr. A.P.J. Abdul Kalam, nuudar Prezidente no Aman ba Teknolójia Bala (kartus) ho Auto-sufisiénte Nukleár India nian, halo ona ema India sira sente orgullu tebes. Ida-ne’e tanba ninia ideia rasik. Dr. Hargobind Khorana hetan ona akreditasaun ho ninia esplikasaun kona-bá kódigu jenétika, no ida ne’e signifika hanesan eventu ida iha istória Jenétiku nia laran. Ideia iha terrenu komputadór ne’ebé maka ohin-loron sai mudansa boot iha mundu tomak. Ida-ne’e hanesan ideia no koñesimentu kona-bá Microsoft husi emboot Bill Gates, ne’ebé halo nia sai hanesan ema ne’ebé iha kbiit kle’an, respeitozu no ema ne’ebé riku liu hotu iha mundu ida-ne’e.

Obrigadu Wain ba mak Le'e Nain Sira..