SAIDA MAKA PUBLIC SPEAKING.....?

PUBLIC SPEAKING

Diskursu Asembleia Internasiona MIGA  iha Korea do Sul

Saida mak Public Speaking?

• Public Speaking ou Koalia iha Publikumak hanesan prosesu komunika informasaun ba audensia iha fatin publiku ( Katak Fatin ne'ebe iha ema barak ona ).
•  Wainhira halo Public Speaking ne'e hanesan hato'o informasaun ne'ebe nakonu ho objetivu, Valor, Influensia no atrai ema / Audensia.
• Iha parte seluk Public Speaking ne'e refere ba ema ida ne'ebe iha ita nia oin ( Hamrik ka Tur ) hodi koalia ou hato'o ka komunika liafuan ruma direitamente ba audensia ba publiku ka forum ne'ebe asisti no rona nia.

• Wainhira halo Public Speaking katak ema ida ne'ebe iha Knar atu hato'o / Komunika ho ema seluk mak barak

Iha metodu oi-oin ba halao Public Speaking

• Diskursu Oral
• Aprezentasaun Materia
• Koalia iha Enkontru ( Orador, Moderar, etc )
• Halo Sosializasaun iha Fatin ruma
• Hato'o Avizu ruma
• Halo Kampana ( Eleitoral ou Topiku )
• Hato'o Relatoriu 

Sistematiku Diskursu
Prosesu Oinsa Atu Halo Koerensia ba Diskursu 

1. Introdusaun
2. Objetivu
3. Problema 
4. Mekanismu Rezolve Problema
5. Konkluzaun 
6. Rekomendasaun 
7. Taka

Iha Faze ha'at ( 4 ) Lao tuir hodi halo Public Speaking sai Susesu

1. Faze Preparasaun
2. Faze Pratika
3. Faze Implementasaun
4. Faze Revizaun

Faze Preparasaun

• Buka Referensia Informasaun
• Halo konsulta ou diskusaun ho ema ruma
• Hahu koloka estrutura konteudu
• Analiza didiak nia Substansia
• Atensaun ho tempu ne'ebe determina
• Sukat nivel tarjetu audensia nian

Faze Pratika

• Hahu'u halo Simulasaun Public Speaking husu ema ruma nudar audensia hodi fo observasaun
• Hafoin koalia tuir buat hotu ne'ebe prepara ona
• Hafoin husu audensia fo komentariu ba Observasaun
• Hafoin hadia i kontinua Pratika Bebeik
• Badinas halo revizaun hafoin kontinua pratika nafatin

Faze Implementasaun

• Tenki to'o sedu iha fatin minutu 10 antes hahu
• Buka hase audensia ruma mak koinese
• Observa fatin  no organizasaun ba atividade refere
• Hahu koalia bazeia ba buat hotu ne'ebe mak Prepara no pratika tia ona
• Buka hatun nervus / Laran Tauk / Nakdedar
• Hasae sentimentu kalma no rilex
• Koalia ho Jestu apropriadu / body languages
• Tenki atensaun iha kontaktu matan ba audensia
• Koalia no uza liafuan ne'ebe klaru la bele hakilar fali
• Fiar an no fokus ba postus ne'ebe mak prepara no pratika tia ona

Faze Revizaun

• Hafoin remata koalia iha Publiku, presiza halo revizaun katak husu ema ne'ebe observa atu hato'o nia rezultadu observasaun ba ita.
• Hafoin ita rona didiak, Kontinua halo revizaun ba ; Substansia materia ne'ebe ita hato'o, no mos konaba ita nia isin lolon hotu hotu, Lia, kontaktu matan, Jestu, pozisaun hamrik iha oin ka tur.
• Presija apresia ho ema nia observasaun.

Buat ne'ebe ita la Bele Halo..!

• La bele le'e direitamente husi Notas / Layar / screen
• La bele fila kotuk ba audensia
• La bele tau liman iha bolsu, kous liman ka tau liman iha kotuk
• La bele nervozu ka hatudu atitude ho liafuan nervozu ba audensia
• La bele koalia lalais ka neneik liu
• La bele hateke deit ba rai ou ka fatin seluk

Buat Ne'ebe Ita Bele Halo..

• To'o iha Fatin antes 10 minutus
• Buka dada lia oituan ho audensia ruma
• Hahu koalia ho liafuan klaru no senti fiar an
• Fokus ba konteudu ne'ebe prepara no pratika tia ona
• Iha kontaktu matan ba Audensia
• Hatun Nervozu hasae kalma no rilex
• Iha Jestu Apropriadu / body language
• Hamrik iha Pozisaun klarab audensia nian

Hakarak atu hare Ninia Ezemplu hakerek diskursu Publiku bele Klik iha ne'e Ezemplu Diskursu Publiku